Cari mövsümün Bundesliqa çempionu “Bayer”in baş direktoru Fernando Karro alman yarımmüdafiəçi Florian Virtsin klubdakı gələcəyini şərh edib.

Sports.az Karronun bu barədə fikirlərini təqdim edir:

“Mən Virtsin təxminən 150 milyon avro məbləğə başa gəldiyini deyəndə səhv etmişəm, əslində onun üçün qiymət yarlığımız yoxdur”, deyə mütəxəssis vurğulayıb.

Bildirilir ki, Leverkuzen təmsilçisi gələn mövsüm Çempionlar Liqasında mübarizə aparacağından, klub rəhbərliyi baş məşqçi, ispan mütəxəssis Xabi Alonso başda olmaqla, heyəitin özəyini qorumağa çalışır. Odur ki, Virts böyük ehtimalla “əczaçılar”ın düşərgəsində qalacaq.