Mbappe sıradan çıxıb

İspaniya La Liqasının 32-ci turunda keçirilən “Betis” – “Real” matçında (1:1) Madrid təmsilçisinin hücumçusu Kilian Mbappe qarşılaşmanı sona qədər davam etdirə bilməyib.

Fransalı forvard matçın sonlarına yaxın zədələnərək meydanı tərk edib.

Sports.az “kral klubu”nun yaydığı məlumata istinadən xəbər verir ki, 27 yaşlı futbolçuda sol budun arxa əzələsində yüklənmə (əzələ gərginliyi) aşkarlanıb.

Mbappe cari mövsümdə “kral klubu”nun heyətində 41 oyuna çıxıb, 41 qol vurub və 6 məhsuldar ötürmə verib.