“Real”ın oyunçuları komanda yoldaşlarından birinin satışını tələb edirlər

“Real”ın oyunçuları komanda yoldaşlarından birinin – uruqvaylı yarımmüdafiəçi Federiko Valverdenin satışını klub rəhbərliyindən tələb edirlər.

Sports.az xəbər verir ki, buna səbəb olaraq, uruqvaylı futbolçunun, komanda yoldaşı, fransalı yarımmüdafiəçi Orelyen Tçuameni ilə ötən həfdə yaşadığı münaqişə əsas gətirilir.

Vurğulanır ki, Valverdenin satışını tələb edən dəstənin, “qaymaqlılar”ın paltardəyişmə otağında böyük nüfuzu var. Buna rəğmən, Valverdenin “Real”ın kapitanlarından biri olması, uruqvaylı futbolçunun da qüvvətli mövqeyə malik olduğunu göstərir.