Flikdən zədəli Yamal haqda açıqlama
“Barselona”nın baş məşqçisi Hans-Diter Flik komandanın vingeri Lamin Yamalın zədəsi ilə bağlı açıqlama verib.
Yamal La Liqanın son turunda, “Selta” ilə oyunda (1:0) zədələnərək, meydanı vaxtından əvvəl tərk etməyə məcbur olub. İlkin məlumatlara görə, 18 yaşlı futbolçu mövsümün qalan hissəsini buraxa bilər, onun dünya çempionatına qədər bərpa olunacağı gözlənilir.
Sports.az xəbər verir ki, almaniyalı mütəxəssis, Yamalın üzərində böyük təzyiq olduğunu bildirib:
“Onun cəmi 18 yaşı var, amma çox yüksək səviyyədə çıxış edir. Üzərində böyük təzyiq var, hamı daim ondan danışır. Ətrafında çox səs-küy olsa da, son vaxtlar ciddi inkişaf etdiyini görürəm. Əlbəttə, bu zədə onun vəziyyətinə təsir etdi, amma o, yaşına görə çox ağıllı və yetkindir. Yamal toqquşmadan dərhal sonra ağrı hiss etdi. Mən ciddi problem olmadığını düşündüm və buna görə penalti zərbəsini onun yerinə yetirməsini istədik”.
“Barselona” La Liqanın 33-cü turunda bu gün səfərdə “Xetafe” ilə qarşılaşacaq.
