“Vilyarreal” İspaniya La Liqasının bürünc medalını darmadağınla qazandı

“Vilyarreal” İspaniya La Liqasının 2025/2026-cı illər mövsümünün bürünc medalını qazanıb.

Sports.az xəbər verir ki, “sarı sualtı qayıq” La Liqanın sonuncu, 38-ci turu çərçivəsində “Seramika”da qəbul etdiyi Madrid “Atletiko”suna 5 “torpedo” yeridib – 5:1.

“Döşəkçilər” müvafiq məğlubiyyət nəticəsində La Liqanın bürünc medalını əldən verərək, fəxri 4-cü yerlə kifayətləniblər.

Əlavə edək ki, hər iki klub Çempionlar Liqasının növbəti mövsümündə mübarizəyə yarışın Liqa mərhələsindən başlayacaq.