Avstriya yığmasının baş məşqçisi Ralf Ranqnik Münhen komandasını təhvil almaq üçün “Bayern”lə danışıqların qabaqcıl mərhələsindədir.

Sports.az xəbər verir ki, “Bayern” Ranqnikə uzunmüddətli müqavilə təklif etmək istəmir, eyni zamanda onun bir mövsüm üçün məşqçi olmasını da istəmir.

Münhen komandası avstriyalı mütəxəssislə 2026-cı və ya 2027-ci ilə qədər əmək müqaviləsi bağlayacağını gözləyir. Bundan əlavə, “Bayern” Ranqnikin bu ölkənin yığma komandasının baş məşqçisi vəzifəsindən vaxtından əvvəl ayrılmasının təzminatı müqabilində, Avstriya Futbol İttifaqına (ÖFB) 2-3 milyon avro məbləğində ödəniş etməyə də hazırdır.