“Levante”nin italyan sabiq hücumçusu Cüzeppe Rossi ulduz hücumçular - portuqal Kristiano Ronaldo və argentinalı Lionel Messini müqayisə edib.

Sports.az Rossinin bu barədə fikirlərini təqdim edir:

“Hər ikisi oyuna fərqli şeylər gətirir, ona görə də onları müqayisə etmək çox çətindir. Ronaldo planetin ən yaxşı hücumçusu olmaq üçün çalışıb. Onu maraqlandıran yeganə şey qol vurmaqdır. Messi də qolçudur, amma o, kömək edir və mən bunu dərinə getməyi və topu qəbul etməyi sevən bir oyunçu kimi qiymətləndirirəm. Messi daha ağıllı oyunçudur və buna görə də bəzi insanlar oyunun bu hissəsini başa düşmürlər.

Ona görə də Messinin oyununu izləməyə daha çox meylliyəm. Hamısı üstünlük məsələsidir. Mənim bəxtim gətirdi ki, o vaxt İspaniyada onlara qarşı oynamaq şərəfinə nail oldum”.